Noon, madalas sa parke ang puntahan ng mga magkasintahan.
Kapag araw ng linggo, napupuno ito ng mga bunton ng masasayang pamilya,
bitbit ang kani-kanilang mga anak
na malayang nagsisipagtakbuhan sa kawalan.
Naging kanlungan din ito ng mga kabataan
na maingat na tinahi ang kanilang mga mumunting pangarap.
Napupuno ang lugar ng hagikgikan at mga kwento
na minsa'y may pait at tamis
na bubuo sa isang napakagandang larawan.
Habang ang mga puno at bulaklak
ang nagsisilbing saksi sa matatamis na mga panagakong binitiwan.
