Naalala ko lang nung unang gabing ika’y magpakilala
Ang imahe mong ipinakita – mabait, lugmok, malungkot madalas ay nayayamot
Ako ay iyong yinaya ang sabi ay tutulungan mo akong lumimot
Ayaw noong una hindi dahil sa walang tiwala
Ito ay marahil sa hindi pa rin pagkalimot sa isang pagkawala
Lahat ay tutol, sa iyo ay may ayaw
Ako'y kinutya, sa bago kong kanta at sayaw
Unti-unti ika’y pinatuloy sa pintong nakakandado
Ipinangakong hihilumin ang puso kong baldado
